ਪਠਾਨਕੋਟ 'ਚ ਰਸੋਈ ਗੈਸ ਦੀ ਕਿੱਲਤ: ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਗੈਸ ਐਜੰਸੀ 'ਤੇ ਮਾਰਿਆ ਛਾਪਾ, ਅਧਿਕਾਰੀਆਂ ਨੂੰ ਦਿੱਤੇ ਸਖ਼ਤ ਕਾਰਵਾਈ ਦੇ ਨਿਰਦੇਸ਼

ਪਠਾਨਕੋਟ/ਤਾਰਾਗੜ੍ਹ


ਪਠਾਨਕੋਟ ਵਿੱਚ ਰਸੋਈ ਗੈਸ (LPG) ਦੀ ਭਾਰੀ ਕਿੱਲਤ ਕਾਰਨ ਆਮ ਲੋਕਾਂ ਨੂੰ ਸਖ਼ਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਦੀਆਂ ਲਗਾਤਾਰ ਮਿਲ ਰਹੀਆਂ ਸ਼ਿਕਾਇਤਾਂ ਤੋਂ ਬਾਅਦ ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਵੀਰਵਾਰ ਸਵੇਰੇ ਖੁਦ ਕਸਬਾ ਤੰਗੋਸ਼ਾਹ ਸਥਿਤ ਦੀਨਾਨਗਰ ਗੈਸ ਸਰਵਿਸ ਐਜੰਸੀ 'ਤੇ ਪਹੁੰਚ ਗਏ।
ਮੰਤਰੀ ਨੇ ਦੇਖਿਆ ਕਿ ਸਵੇਰੇ 4-5 ਵਜੇ ਤੋਂ ਹੀ ਕਰੀਬ 300-400 ਲੋਕ ਲੰਬੀਆਂ ਲਾਈਨਾਂ ਵਿੱਚ ਖੜ੍ਹੇ ਸਨ। ਕਈ ਲੋਕਾਂ ਨੇ ਦੱਸਿਆ ਕਿ ਉਹ ਪਿਛਲੇ 3 ਦਿਨਾਂ ਤੋਂ ਚੱਕਰ ਕੱਟ ਰਹੇ ਹਨ ਪਰ ਉਨ੍ਹਾਂ ਨੂੰ ਸਿਲੰਡਰ ਨਹੀਂ ਮਿਲ ਰਿਹਾ। ਮੌਕੇ 'ਤੇ ਕੋਈ ਵੀ ਜ਼ਿੰਮੇਵਾਰ ਕਰਮਚਾਰੀ ਮੌਜੂਦ ਨਹੀਂ ਸੀ, ਸਿਰਫ਼ ਇੱਕ ਸਟੋਰ ਕੀਪਰ ਸੀ ਜੋ ਗੋਦਾਮ ਨਹੀਂ ਖੋਲ੍ਹ ਰਿਹਾ ਸੀ। ਮੰਤਰੀ ਨੇ ਖੁਦ ਚਾਬੀ ਲੈ ਕੇ ਗੋਦਾਮ ਦੀ ਚੈਕਿੰਗ ਕੀਤੀ।
ਇਸ ਦੌਰਾਨ ਉਨ੍ਹਾਂ ਨੇ ਮੌਕੇ ਤੋਂ ਹੀ ਜ਼ਿਲ੍ਹਾ ਖੁਰਾਕ ਤੇ ਸਪਲਾਈ ਕੰਟਰੋਲਰ (DFSC) ਰਾਜ ਰਿਸ਼ੀ ਮਹਿਰਾ ਨੂੰ ਫ਼ੋਨ ਕਰਕੇ ਐਜੰਸੀ ਮਾਲਕਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨ ਦੇ ਹੁਕਮ ਦਿੱਤੇ। ਮੰਤਰੀ ਨੇ ਕਿਹਾ ਕਿ ਲੋਕਾਂ ਦੀ ਖੱਜਲ-ਖੁਆਰੀ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਹੋਰਨਾਂ ਗੈਸ ਐਜੰਸੀਆਂ 'ਤੇ ਵੀ ਅਚਨਚੇਤ ਛਾਪੇਮਾਰੀ ਕੀਤੀ ਜਾਵੇਗੀ।

---

LPG Shortage Pathankot, Lal Chand Kataruchak Raid, Gas Agency Inspection, Punjab Cabinet Minister, Dinanagar Gas Service, Food and Supply Department Punjab, Pathankot News.

ਪਠਾਨਕੋਟ ਗੈਸ ਕਿੱਲਤ, ਲਾਲ ਚੰਦ ਕਟਾਰੂਚੱਕ ਛਾਪਾ, ਗੈਸ ਐਜੰਸੀ ਚੈਕਿੰਗ, ਪੰਜਾਬ ਕੈਬਨਿਟ ਮੰਤਰੀ, ਰਸੋਈ ਗੈਸ ਦੀ ਸਮੱਸਿਆ, ਪਠਾਨਕੋਟ ਖ਼ਬਰਾਂ।

---

Cabinet Minister Lal Chand Kataruchak conducted a surprise raid at a gas agency in Pathankot following complaints of LPG shortage. He ordered strict action against agency owners for harassing the public.

पठानकोट में रसोई गैस की किल्लत को लेकर कैबिनेट मंत्री लाल चंद कटारूचक्क ने गैस एजेंसी पर छापा मारा। लोगों की परेशानी देख मंत्री ने अधिकारियों को एजेंसी मालिकों के खिलाफ सख्त कार्रवाई के निर्देश दिए।